Xəstə qadın ərinin pintiliyindən öldü

67 yaşlı ingilis Riçard Uollax xərçəng xəstəliyinə tutulmuş həyat yoldaşını dəhşətli vəziyyətdə saxlayaraq, ölümünə səbəb olub.

Bu barədə “Liverpool Echo” məlumat yayıb.

Uollax həyat yoldaşı ilə Liverpulda yaşayıb. 2017-ci ildə o, yerli xəstəxanalardan birinə gələrək həyat yoldaşının özünü pis hiss elədiyini və yıxıldığını bildirib. O, evlərində telefon olmadığı üçün təcili yardıma zəng edə bilmədiyini söyləyib.

Evə gələn həkimlər xəstənin vəziyyətini görüb, dəhşətə gəliblər. Həkimlərin sözlərinə görə, bu, onların indiyə qədər gördüyü ən pis vəziyyətdir.

61 yaşlı Valeri Uollax zibillə dolu otaqda oturub. Həkimlər qeyd edib ki, qadının bədənində yaralar olub və sürfələr tapılıb. Xəstənin bədəni nəcis və sidiyə batıb, dərisi isə soyulub tökülüb.

Qadın dərhal xəstəxanaya yerləşdirilib, ancaq 19 gündən sonra ölüb. Ölüm səbəbi bədəndəki yaralardan inkişaf edən sepsis olub. Uollax süd vəzi xərçəngindən əziyyət çəkib, amma bu onun ölümünə səbəb olmayıb. Qadına, sadəcə, qayğı lazım olub.

Həkimlər kişiyə həyat yoldaşının öləcəyi ilə bağlı məlumat verdikdə o, tibb işçilərinə öz problemindən danışıb. Uollax həftələrdir, qəbizlikdən əziyyət çəkdiyini bildirib.

Məhkəmədə kişi ittihamları rədd edib. Uollax evdəki qarışıqlığı xoşagəlməzliklə izah edib və həyat yoldaşının vəziyyətindən xəbəri olmadığını bildirib. Sentyabrən 26-da məhkəmə ingilisi səhlənkarlığa görə ölümə səbəb olmaqda günahlandırıb. Hökm verilənə qədər kişi arvadının öldüyü həmin otaqda yaşamağa davam edəcək.

asmedia org

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Next Post

Nazirlik: Bu il yeddi minədək müəllim işə qəbul olunub

C Sen 27 , 2019
2019-2020-ci tədris ili üzrə müddətsiz müqavilə əsasında 3260 müəllim işə qəbul olunub. Təhsil Nazirliyindən verilən məlumata görə, onlardan 973 nəfər həvəsləndirmə tədbirləri tətbiq olunmayan ümumi təhsil müəssisələrinə, 2287 nəfər isə həvəsləndirmə tədbirləri tətbiq edilən məktəblərə işə qəbul olunub. İndiyədək 3615 nəfər müddətli müqavilə əsasında müəllim adını qazanıb. Hazırda müddətli müqavilə […]